Üzümçülük və şərabçılığın iqtisadi tənzimlənmə mexanizminin funksiyaları və modelləri

İqtisadi tənzimləmə üzümçülük və şərabçılığın ümumi tənzimləmə sistemində aktiv rola malikdir. Belə vəziyyət özünü hər şeydən əvvəl iqtisadi tənzimləmə vasitələrinin funksional strukturunun xüsusiyyətlərində tapır. Bütün digər sistemlərdə olduğu kimi üzümçülük və şərabçılığın tənzimlənməsində də iqtisadi vasitələrin funksiyaları müvafiq məqsədlərlə determinallaşmış olur. Məsələyə sahənin inkişaf məqsədlərinin hər bir ölkədə konkret dövr və şəraitə uyğun olaraq müəyyən edildiyini nəzərə almaqla yanaşıldıqda elmi təhlil üçün qeyd edilən funksiyaların ümumi şəkildə formalaşdırılması zəruriliyi meydana gəlir. Bu baxımdan məqalədə iqtisadi tənzimləmənin yeri və roluna dair təhlillərdən çıxış etməklə onun kömək, stimullaşdırıcı və nizamlayıcı funksiyalarına baxılır.