Otlaqlardan istifadənin səmərəliliyinin artırılması

Məqalədə otlaqlardan istifadənin səmərəliliyinin artırılmasının vəziyyəti və əsas istiqamətləri araşdırılır. Göstərilir ki, otarmaq hüququnun verilməsi nəzəri cəhətdən heyvanların sayına əsaslanır, lakin icazə verilən otlaq normalarına riayət olunmasına nəzarət üçün praktiki olaraq ciddi qaydalar mövcud deyil. Belə şəraitdə otlaqların dəfələrlə yüklənməsi nəticəsində həmin sahələrin yemlik üçün məhsuldarlığı (onları quru ota çevirməklə) aşağı düşmüş, bəzi hallarda otlaqların eroziyası prosesləri baş vermişdir. Aparılan araşdırmalar göstərib ki, mövcud problemlərdən biri olan həddən artıq yüklənmə yabanı bitkilərin botaniki tərkibinin deqradasiyasına səbəb olur ki, bu da öz növbəsində torpaq eroziyasına gətirib çıxarır. Mal-qaranın otarılmasına nəzarətin olmaması ekosistemləri təhlükə altına alır. Həddindən artıq yüklənmə təkcə bitki örtüyünün deyil, həm də vəhşi heyvanların yaşayış yerlərinin və biomüxtəlifliyin eroziyasına gətirib çıxarır ki, bu da yolverilməzdir.

Məqalədə müəllifin müvafiq istiqamətdə apardığı elmi-təcrübi tədqiqatların nəticələri də nəzərə alınmaqla otlaqların yaxşılaşdırılması və səmərəli istifadəsi üçün konkret tədbirlər təklif olunur.