Bioloji aktivlər üzrə məsrəflərin kapitallaşdırılması əməliyyatlarının uçotunun təkmilləşdirilməsi

Məqalədə bioloji aktivlərin iqtisadi mahiyyəti açıqlanmaqla onların mühasibat uçotunda əks etdirilməsinin müasir vəziyyəti təhlil edilmiş və bunların əsasında mühasibat uçotunun bu sahəsinin təkmilləşdirilməsi məsələləri araşdırılmışdır.

Müəllif tərəfindən bioloji aktivlərlə əlaqədar olan biznes-təsərrüfat əməliyyatlarının, həmçinin də onlarla bağlı olan məsrəflərin kapitallaşdırılması əməliyyatlarının uçotuna dair kifayət qədər elmi araşdırmaların olmadığı qeyd edilmiş və uçotun bu sahəsinin tədqiqatına ciddi ehtiyac olduğu vürğulanmışdır. Burada bioloji aktivlərlə əlaqədar olan kapitallaşdırma əməliyyatlarının iqtisadi mahiyyəti, xarakterik xüsusiyyətləri, bu sahədə baş verə biləcək biznes-təsərrüfat əməliyyatlarının məzmunu və onların mühasibat uçotunda əks etdirilməsi qaydaları şərh edilmişdir. Bu zaman ayrıayrı biznes-təsərrüfat əməliyyatlarına dair yeni mühasibat müxabirləşmələri tərtib edilərək bu proseslərdə beynəlxalq standartların əlaqədar müddəalarının istifadə edilməsi məsələlərinə şərh verilmişdir. Sonda tədqiqat işindən alınmış nəticələr göstərilmiş, həmçinin uçotun bu sahəsinin təkmilləşdirilməsinə dair təkliflər verilmişdir.