Azərbaycan Respublikasında istehsal olunan malların beynəlxalq elektron ticarətə inteqrasiyası: imkanlar və çağırışlar

Rəqəmsallaşmanın genişlənməsi ilə yeni imkanlar əldə edən elektron ticarət sektoru az resurs sərfi ilə geniş auditoriyaya çatma imkanları yaradaraq qlobal bazarda mühüm rol oynamaqdadır. Elektron ticarət son illərdə əhəmiyyətli artım göstərmiş və dünya üzrə elektron ticarət əməliyyatlarının dəyəri trilyonlarla dollarla ölçülür. Böyük platformalar bazarda liderlik edir və bu sahədəki rəqabəti daha da gücləndirir. E-ticarət platformalarının istifadəsi hər il daha da artır və bu artım trendi davamlı olaraq yüksəlməkdədir. Gənc nəsillərin rəqəmsal texnologiyalara olan marağı və tələbi elektron ticarətin gələcəkdə daha da genişlənəcəyindən xəbər verir.
Ölkəmiz də bu qlobal artım trendindən faydalanaraq elektron ticarət vasitəsilə ixrac imkanlarını artırma potensialına malikdir. Məqalədə Azərbaycanın elektron ticarət sektorunun beynəlxalq bazarlara inteqrasiyası araşdırılmış, qarşıya çıxan çətinliklər və bu sahədə inkişaf üçün praktik həll yolları təqdim olunmuşdur.