Azərbaycanda fermerlərin istehsal vasitələrinə çıxışında kənd təsərrüfatı kooperativlərinin rolu

Məqalədə Azərbaycanda fermerlərin kənd təsərrüfatı vasitələrinə çıxışının yaxşılaşdırılmasında kənd təsərrüfatı kooperativlərinin rolu araşdırılmışdır. Yüksək xərclər və natamam təchizat zəncirləri səbəbindən fermerlər keyfiyyətli toxum, gübrə və avadanlıqların əldə edilməsində müxtəlif maneələrlə üzləşirlər. Kənd təsərrüfatı kooperativləri isə bu çətinliklərə kollektiv yanaşmanı təmin etməklə miqyas effektindən istifadəyə, habelə maliyyə vəsaitləri və texniki yardıma çıxışda faydalar təmin edir. Göstərilən üstünlüklərə baxmayaraq hazırki dövrdə Azərbaycanda kooperativlər maliyyə vəsaitlərinə məhdud çıxış, zəif institusional inkişaf, inkişaf imkanlarının məhdudluğu və kiçik fermer bazası kimi çətinliklərlə üzləşirlər. Məqalənin yekununda kənd təsərrüfatının dayanıqlı inkişafının təmin edilməsi və ölkədə fermerlərin vəziyyətinin yaxşılaşdırılması baxımından kooperativlərin dəstəkləyici hüquqi çərçivələr, mütərəqqi maliyyə alətləri və dövlət-özəl tərəfdaşlıqları vasitəsilə gücləndirilməsi üçün tövsiyələr irəli sürülmüşdür.