Dayanıqlı inkişaf çağırışlarına nail olunmasında kənd təsərrüfatı kooperativlərinin rolu

2015-ci ildə Birləşmiş Millətlər Təşkilatı (BMT) 2016-cı il yanvarın 1-dən qüvvəyə minən 17 qlobal məqsəddən ibarət Dayanıqlı İnkişaf Çağırışlarını (DİÇ) təqdim etmişdir (BMT, 2015). Bu çağırışlar 2030-cu ilə qədər yoxsulluq, aclıq, sağlamlıq və rifah, gender bərabərliyi, davamlı inkişaf və iqlim dəyişikliyi kimi əsas qlobal çağırışları həll etmək məqsədi daşıyır. Məqalədə Dayanıqlı İnkişaf Çağırışlarına nail olmaqda kənd təsərrüfatı kooperativlərinin rolunun müəyyənləşdirilməsi, həmçinin Azərbaycanda kənd təsərrüfatı kooperativlərinin mövcud vəziyyətinin araşdırılmasını hədəfləyir. Aparılmış araşdırma sübut edir ki, kiçik fermerlərə sosial və maliyyə sərmayələri çoxsaylı DİÇ-lərə nail olmaq istiqamətində irəliləyişi sürətləndirir. Bu araşdırmada dünyada və respublikamızda kənd təsərrüfatı kooperativlərinin mövcud vəziyyəti müqayisəli təhlil olunaraq tədqiq olunmuşdur. Bu məqsədlə BMT-nin Ərzaq və Kənd Təsərrüfatı Təşkilatı (FAO), Beynəlxalq Kooperativlər Alyansı (ICA) və Dayanıqlı İnkişaf Çağırışlarının hədəfləri qarşılıqlı şəkildə təhlil olunmuşdur.