Fındıqçılıq sektoru üzərindən Türkiyə və Azərbaycan arasında qiymət ötürülməsi: nəzəri və empirik təhlil

Azərbaycanın qeyri-neft sektorunun inkişafında kənd təsərrüfatının ixrac yönümlü mühüm strateji sahələrindən biri fındıqçılıq hesab edilir. Ölkənin iqtisadi şaxələndirilməsində xüsusi rola sahib olan fındıqçılıq sektorunun inkişaf etdirilməsi əsas prioritet istiqamətlərdəndir. Dünya fındıq istehsalında önəmli mövqedə olan Azərbaycanın fındıqçılıq sektorunun inkişafı eyni zamanda beynəlxalq müstəvidə nəzərdən keçirilməlidir. Müxtəlif istiqamətlərdə inkişaf potensialına malik bu sektorun qiymətləndirilməsində əsas iqtisadi dəyərləndirmələr qlobal miqyas aspektindən aparılmalıdır. Bu baxımdan, məqalənin araşdırma istiqaməti olaraq, beynəlxalq mövqedə əsas ixrac potensialına sahib Türkiyə ilə Azərbaycanın fındıqçılıq sektorunda qiymət əlaqələrinin ötürülməsi mexanizmlərinin öyrənilməsi, inteqrasiya dərəcəsi, rəqabət qabiliyyəti və asılılıq səviyyəsi nöqteyinəzərdən iqtisadi-statistik metodlarla empirik təhlil aparılmışdır.