Koronavirus pandemiyası şəraitində ölkəmizin aqrobiznes sistemində maliyyə mexanizminin rəqabətədavamlılığın formalaşmasına təsiri istiqamətləri

Koronavirus (COVİD-19) pandemiyasının yayılmasının qarşısının alınması məqsədi ilə tədbirlərin davam etdirildiyi şəraitdə ölkəmizin aqrobiznes sistemində sahibkarlığın rəqabətədavamlılığı mühitinin formalaşmasında maliyyə mexanizminin artan rolunun əhəmiyyətliliyi daima müşahidə edilir. Bu baxımdan məqalədə koronavirus pandemiyası şəraitində ölkəmizin aqrobiznes sistemində maliyyə mexanizminin rəqabətədavamlılığın formalaşmasına təsiri istiqamətlərinin müəyyənləşdirilməsi böyük əhəmiyyət kəsb etdiyinə görə problemin araşdırılmasının xüsusi aktuallığa malik olduğu qeyd olunmuşdur. Məqalədə aqrobiznes sistemində maliyyə mexanizminə dair nəzəri baxışlar xüsusi yer tutur, o cümlədən bu sahədə istehsal tsiklinin uzunmüddətli xarakter daşımasına səbəb olan faktorlar əks olunmuşdur. Məqalədə rəqabətədavamlı iqtisadi mühiti formalaşdıran və müəyyən qeyd-şərtlərlə aqrobiznes sisteminin yerli inkişaf faktorları kimi təqdim olunan faktorlardan, həmçinin qiymət siyasətindən bəhs olunmuşdur.

Aqrobiznes sistemində yerli bazarın qorunması və beynəlxalq əlaqələrin intensivləşməsinin bir-birini tamamlayan mərhələlər olduğu qeyd olunmuşdur. Həmin əlaqələrdə beynəlxalq qurumlarla münasibətlərin xüsusi əhəmiyyətə malik olması göstərilmişdir. Ölkəmizin aqrobiznes sistemində koronavirus pandemiyası şəraitində maliyyə mexanizminin rəqabətədavamlılığın formalaşmasına təsiri istiqamətləri məqalədə öz əksini tapmışdır.