Aqrar sahənin inkişafında rəqəmsallaşdırmanın yeri və rolu

Məqalədə rəqəmsallaşmanın iqtisadiyyatın bütün sahələrində olduğu kimi, aqrar sektorda da tətbiqinin vacibliyi göstərilmişdir. Eləcə də ənənəvi kənd təsərrüfatı istehsalı ilə innovativ istehsal arasında müqayisələr aparılmış, onların səmərəliliyi təhlil edilmişdir. Qeyd olunmuşdur ki, rəqəmsallaşma proseslərində əsas iş cari məsələlərin həlli deyil, 5-7 ildən sonra da müəssisənin dayanıqlı inkişafını təmin edə biləcək rəqəmsal həllərin təqdim edilməsidir.

Rəqəmsallaşma alətləri kimi innovativ smart əkinçilik, smart heyvandarlıq, ərazilər üzrə xəritələrin qurulması, ümumi məlumat bazasının yaradılması, smart sensorlardan aktiv istifadə, avtonom robotlardan, pilotsuz uçan aparatlardan istifadə, mərkəzləşdirilmiş məlumat bazaların qurulması və bu məlumat bazalarından istifadə etməklə daha dəqiq modelləşdirmə, süni intellekt və maşın təlimi kimi alətlərin istifadəsinin üstünlükləri göstərilmişdir.

Yekunda ölkəmizdə rəqəmsallaşma sahəsində görülən işlərə, perspektiv imkanlara baxılmışdır