Rəqabətədavamlı aqrar emal sənayesinin formalaşdırılması amilləri

Xülasə

Mövcud şəraitdə dünya iqtisadiyyatında rast gəlinən əlverişsiz tendensiyaların mənfi təsirini minimum zərərlə dəf etmək üçün ölkə iqtisadiyyatında rəqabət imkanlarını artıra biləcək rıçaqlardan istifadə labüd hala çevrilmişdir. Məqalədə rəqabətədavamlı aqrar emal sahəsinin formalaşdırılması məsələlərinə baxılır. Göstərilir ki, ölkə iqtisadiyyatının yeni inkişaf mərhələsində aqrar-emal sənayesinin strukturunun möhkəmləndirilməsinə və inkişafına tam olaraq nail olunarsa,respublikada rəqabətqabiliyyətli məhsul istehsalı intensivləşər, xüsusilə dünya bazarlarında geniş tələbatın olduğu ekoloji cəhətdən təmiz məhsulların istehsalına və ixracına əlverişli zəmin yaranar. Eyni zamanda hazırda yaranmış iqtisadi vəziyyət qeyri-neft sektorunun mühüm sahələrindən hesab olunan aqrar emal sektorunun dayanıqlı inkişafının təmin olunması istiqamətində əsas məsələlərdən biri kimi məhsul istehsalının artırılması və keyfiyyətinin yüksəldilməsi üçün xammal müəssisələri ilə emal müəssisələri arasında iqtisadi əlaqələrin təkmilləşdirilməsini tələb edir.