Azərbaycanda rəqəmsal marketinqin şərab turizminin inkişafına təsiri

Məqalədə şərabçılıq müəssisələrinin şərab turizmi kontekstində qəbul etdikləri rəqəmsal marketinq strategiyaları araşdırılmışdır. İnformasiya kommunikasiya texnologiyaları (İKT)  vasitələrinin, o cümlədən 4D texnologiyası kimi innovativ rəqəmsal kommunikasiya resurslarının tətbiqi ilə müşayiət olunan texnoloji transformasiya prosesi şərab turizmi təcrübəsini yenidən formalaşdırır. Şərab turizmi təcrübəsinin unudulmaz olması üçün innovativ yanaşmaların tətbiqi zəruridir. Mövcud araşdırmalara əsasən, bu sahədə uğurlu təcrübələr müsbət e-WOM (rəqəmsal ağızdan-ağıza marketinq) və sadiq brend imicinin formalaşmasına gətirib çıxarır. Məqalədə Azərbaycanda yerləşən iki əsas şərab regionu - Qəbələ və Şamaxı üzərində fokuslanaraq müqayisəli nümunə tədqiqatı yanaşmasından istifadə edilmişdir. Bu araşdırma şərab turizmi çərçivəsində müxtəlif rəqəmsal marketinq alətlərinin rolunu və əhəmiyyətini vurğulamaqla yanaşı, onların hərtərəfli təhlilini təqdim edir. Məqalənin yekununda Azərbaycanda şərab turizminin dayanıqlı inkişafının təmin edilməsi və rəqabətədavamlı brend kimi mövqeyinin möhkəmkəndirilməsi üçün tövsiyələr irəli sürməklə mövcud ədəbiyyata orijinal nəzəri və praktik töhfələr verilmişdir.