Qoyunçuluqda dəyər zənciri rəqabət qabiliyyəti: institusional amillərin rolu

Məqalədə Dəyər Zənciri Rəqabət Qabiliyyəti (Value Chain Competitiveness - VCC) indeksi vasitəsilə Azərbaycanın kənd təsərrüfatının qoyunçuluq bölməsi üzrə dəyər zəncirinin rəqabət qabiliyyətinə institusional amillərin təsiri araşdırılır. İndeks altı indikator - seleksiya, izlənilə bilənlik, sahə təşkilatları, brend, emal-ixrac, otlaq idarəçiliyi və ekoloji dayanıqlılıq - üzrə qurulmuş və dörd ölkənin (Avstraliya, Yeni Zelandiya, Türkiyə, İran) skorları Azərbaycanla müqayisə edilmişdir. Tədqiqat nəticəsində müəyyən edilir ki, Azərbaycanın təcrübəsi təhlil edilən digər ölkələrdən geriliyi əsasən dəyər zəncirinin başlanğıc həlqələrində - seleksiya-genetik təkmilləşdirmə və sahə təşkilatları istiqamətlərində - təmərküzləşir, otlaq idarəçiliyi üzrə də kifayət qədər boşluq mövcuddur. Məqalədə sözügedən amillər nəzərə alınmaqla müvafiq tövsiyələr irəli sürülmüşdür.