Azərbaycanda təbii-kənd təsərrüfatı rayonlaşdırılmasının təkmilləşdirilməsi

Xülasə

Tədqiqatın məqsədi ekoloji mühitdə baş verən dəyişikliklərin iqtisadiyyatın önəmli sahəsi kimi kənd təsərrüfatına təsirini dəyərləndirmək üçün “iqlim-torpaq-bitki” modeli əsasında ölkənin təbiikənd təsərrüfatı rayonlaşdırılmasının müasir tələblər baxımından təkmilləşdirilməsindən ibarətdir. Tədqiqatda elmi abstraksiya, araşdırma, sistemli və müqayisəli təhlil, məntiqi ümumiləşdirmə üsulları tətbiq olunmuşdur.

Məqalədə Azərbaycanın indiyədək hazırlanmış təbii-kənd təsərrüfatı rayonlaşdırılması sxemləri (sistemləri) təhlil olunmuş, onlarda olan çatışmazlıqlar göstərilmişdir. Eyni zamanda müasir şəraitdə ətraf mühitin təsirlərini nəzərə almaqla təbii sərvətlərin (torpaq və su ehtiyatlarının) səmərəli istifadəsi, ölkə ərazisində kənd təsərrüfatı sahələrinin düzgün yerləşdirilməsi tələblərinə uyğun yeni təbii-kənd təsərrüfatı rayonlaşdırılması təklif olunmuşdur.

Tədqiqatın nəticəsi kənd təsərrüfatı bitkilərinin ölkə ərazisi üzrə düzgün yerəşdirilməsində, müasir aqrotexniki tədbirlərin tətbiqində, kənd təsərrüfatının inkişafı ilə bağlı müvafiq proqram və layihələrin hazırlanmasında, həmçinin aidiyyəti ali təhsil müəssisələrinin tədris prosesində, fənn proqramlarının və dərs vəsaitlərinin hazırlanmasında istifadə oluna bilər.