Kənd təsərrüfatında su ehti̇yatlarından i̇sti̇fadəni̇n aktual problemləri̇ və səmərəli̇li̇yi̇ məsələləri̇

Azərbaycan Respublikasında su ehtiyatlarının məhdudluğu və iqlim dəyişmələri fonunda azalması tendensiyasının güclənməsi onun kənd təsərrüfatında səmərəli istifadəsini zəruri edir. Suvarmalar zamanı istehlak olunan su ehtiyatlarına qənaət edilməsi üzrə tədbirlər mövcud vəziyyətin qiymətləndirilməsinin nəticələrinə görə əsaslandırılmalıdır. Məqalə bu problemin müzakirəsi və kənd təsərrüfatında suvarma suyundan istifadənin iqtisadi və ekoloji səmərəliliyinin artırılması yollarına həsr edilmişdir. Sudan istifadənin səmərəliliyinə təsir göstərən əsas faktorlar təhlil edilmişdir. Əsas nəticə ondan ibarətdir ki, suvarmada sudan istifadənin əsas problemlərinin həlli kompleks yanaşma tələb etməklə idarəetmə, investisiya ehtiyaclarının müəyyənləşdirilməsi, Sudan İstifadəedənlər Birliklərinin institusional potensialının möhkəmləndirilməsi tədbirləri, fermerlər arasında əkinçilik mədəniyyətinin yüksəldilməsi və bir sıra stimullaşdırma alətlərinin tətbiqini zəruri edir.