Azərbaycanda qabığı təmizlənmiş meşə fındığının ixracının təşviqi tədbirlərinin nəticələrinin qiymətləndirilməsi

Azərbaycanda 2018-ci ildən etibarən qabığı təmizlənmiş meşə fındığına ixrac təşviqi verilməyə başlanılmış və üç il ərzində dövlət büdcəsindən bu məqsədlə 11,1 milyon manat vəsait ödənilmişdir. Bu məqalədə ölkəmizdə qabığı təmizlənmiş meşə fındığına ödənilən ixrac təşviqinin effektivlik, uyğunluq, səmərəlilik, dayanıqlılıq və təsir meyarları əsasında qiymətləndirilməsi aparılmış, bu təşviqin fındıq istehsalına və ixracına təsiri təhlil edilmişdır. Bu nəticəyə gəlinmişdir ki, qabığı təmizlənmiş meşə fındığı Azərbaycanın rəqabətqabiliyyətli məhsuludur və ona ixrac təşviqi verilmədiyi halda da 2018-2020-ci illərdə qeyri-neft sektoru üzrə ən çox ixrac olunan məhsullardan olardı. Eyni zamanda qeyri-neft məhsullarının ixracının artırılmasında fındığın rolu qiymətləndirilmiş və onun ixracının genişləndirilməsi ilə bağlı müvafiq təkliflər verilmişdir.