Taxıl bazarının tənzimlənməsi sahəsində beynəlxalq təcrübə

Məqalədə taxıl bazarında hazırda formalaşmış vəziyyətə baxılmış, bu bazarın tənzimlənməsi sahəsində xarici ölkələrin təcrübəsi təhlil edilmişdir. Göstərilmişdir ki, taxıl istehsalı ilə məşğul olan əsas ölkələr ərzaq təhlükəsizliklərini riskə atmamaq üçün bazara müdaxilə tədbirləri tətbiq edirlər. Xarici ölkələrin əksəriyyətində ərzaq təhlükəsizliyini təmin etmək, xarici bazarların zərərli təsirinin qarşısını almaq, yerli ərzaq bazarını müdafiə etmək üçün proteksionist siyasət həyata keçirilir. Bununla yanaşı istehsalın genişləndirilməsinin stimullaşdırılması məqsədilə geniş dövlət dəstəyi həyata keçirilir. Digər tərəfdən, bir sıra dünya ölkələrində taxılın keyfiyyətinə, taxılın və onun emalı məhsullarının səmərəli istifadəsinə dövlət nəzarəti probleminə vacib yer ayrılır və önəmli əhəmiyyət verilir ki, bu da müvafiq qanunvericilik aktlarında öz əksini tapır