İşğal altında olmuş ərazilərdə kənd təsərrüfatı torpaqlarının potensialının dəyərləndirilməsi

Məqalədə Ermənistanın hərbi təcavüzü nəticəsində Azərbaycanın işğal olunmuş ərazilərində ekoloji mühitə vurulan zərərdən və torpaq ehtiyatlarından, xüsusilə kənd təsərrüfatına yararlı torpaqlardan istifadənin iqtisadi baxımdan dəyərləndirilməsindən bəhs edilir. Təcavüzün ekoloji mühitə və onun ayrı-ayrı komponentlərinə, eləcə də ümumilikdə kənd təsərrüfatına təsiri qısaca xarakterizə olunmuşdur. Kənd təsərrüfatına yararlı əsas tip və yarımtip torpaqların kənd təsərrüfatı sahələri (uqodiyalar) üzrə istifadə səviyyəsi göstərilmiş, bu torpaqların keyfiyyət baxımından əsas xüsusiyyətləri və potensial məhsuldarlıq imkanları araşdırılmışdır. Bunlarla yanaşı məqalədə kənd təsərrüfatına yararlı torpaqların keyfiyyət göstəricilərinə görə aqroistehsal qrupları üzrə bölgüsü verilmiş və keyfiyyət səviyyəsi digər iqtisadi rayonlarla müqayisə edilmişdir. Eyni zamanda, işğal nəticəsində kənd təsərrüfatına yararlı torpaqların istifadəsiz qalması səbəbindən itirilən maliyyə vəsaiti barədə müvafiq hesablama aparılmışdır.