“Kənd təsərrüfatının iqtisadiyyatı” elmi-praktiki jurnalının (ISSN: 2788-8746 E-ISSN: 2788-8754) təsisçisi Azərbaycan Respublikası Kənd Təsərrüfatı Nazirliyi tabeliyində Aqrar Tədqiqatlar Mərkəzidir. Jurnal Azərbaycan Respublikası Ədliyyə Nazirliyində 18.04.2011-ci il tarixdə 3397 nömrə ilə qeydə alınıb və Azərbaycan Respublikasının Prezidenti yanında Ali Attestasiya Komissiyasının Rəyasət Heyətinin 11.12.2020-ci il tarixli qərarı ilə iqtisad elmləri üzrə “Azərbaycan Respublikasında dissertasiyaların əsas nəticələrinin dərc olunması tövsiyə edilən elmi nəşrlərin siyahısı”na yenidən daxil edilib.
“Kənd təsərrüfatının iqtisadiyyatı” elmi-praktiki jurnalı Kənd Təsərrüfatının İqtisadiyyatı Elmi-Tədqiqat İnstitutunun “Elmi əsərləri” jurnalının (ISSN: 2078 - 6042) hüquqi varisidır.
Crossref vasitəsilə Jurnala DOI identifikasiya kodu alınıb - https://doi.org/10.30546/2788.
Eləcə də Jurnalda dərc olunan məqalələrin hər birinə ayrı-ayrılıqda DOI identifikasiya kodu alınır.
Jurnalın ayrıca ORCİD identifikatoru və ORCİD profili var: ORCİD İD: 0009-0000-0564-7979
Jurnalda 3 dildə (azərbaycan, rus və ingilis dillərində) məqalələr dərc olunur.
Məqsədi və əhatə dairəsi
“Kənd təsərrüfatının iqtisadiyyatı” jurnalı kənd təsərrüfatının iqtisadiyyatına dair nəzəri və praktiki yönümlü tədqiqatların nəticələrinin, habelə həyata keçirilən aqrar siyasətin təhlili və müzakirəsi üçün platforma kimi çıxış edir. Jurnalda kənd təsərrüfatı məhsullarının istehsalının, emalının, resursların dayanıqlı istifadəsinin, habelə kənd yerlərinin inkişafının iqtisadi problemlərinin araşdırılmasına həsr olunmuş orijinal məqalələr və analitik şərhlər dərc olunur.
Nəşr olunma tezliyi
“Kənd Təsərrüfatının İqtisadiyyatı” jurnalınının ildə 2-4 (iki-dörd) nömrəsi nəşr olunur.
Əsas bölmə başlıqları
- Kənd təsərrüfatının dövlət tənzimlənməsi
- Kənd təsərrüfatı istehsalının iqtisadi səmərəliliyi və rəqabətqabiliyyətlilik məsələləri
- Aqrar bazarın inkişafı
- İnfrastrukturun inkişafı və istehsal resursları ilə təminat
- Kənd təsərrüfatı əsaslı klasterlərin formalaşması və inkişafı
- Kənd yerlərinin inkişafı, insan resursları və məşğulluq problemləri
- Aqrar sığorta, kredit və maliyyə problemləri
