MÜƏLLİFLƏRİN NƏZƏRİNƏ!
Aqrar Tədqiqatlar Mərkəzinin “Kənd Təsərrüfatının İqtisadiyyatı” elmi-praktiki jurnalında dərc edilmək üçün məqalə təqdim olunarkən qoyulan tələblər:
-
Təqdim olunan məqalələrin strukturu ümumi qəbul olunmuş beynəlxalq standartlara və Azərbaycan Respublikası Prezidenti yanında Ali Attestasiya Komissiyasının müəyyən etdiyi tələblərə uyğun olmalıdır.
-
Məqalədə başlıq, DOI identifikatoru, UOT kodu, 10-12 sözdən çox olmamaqla məqalənin adı, müəllif(lər)in adı, ata adı, soyadı, elmi dərəcəsi və elmi adı, işlədiyi təşkilatın adı, vəzifəsi, elektron poçt ünvanı və telefon nömrəsi, ORCİD İD-si ardıcıllıqla göstərilir, 150-200 sözdən ibarət “Xülasə”, “Giriş” (tədqiq olunan mövzunun aktuallığı, öyrənilmə səviyyəsi, tədqiqatın hipotezası, araşdırmanın məqsədi göstərilir), “Tədqiqatın metodları”, “Problemin təhlili”, “Nəticə” (araşdırma nəticəsində hazırlanmış təkliflər də verilməklə) bölmələri, həmçinin mətndə istinadlar göstərilməklə istifadə olunmuş ədəbiyyat siyahısı verilməlidir. Ədəbiyyatlar və mənbələr çap olunduqları dillərdə əlifba sırası ilə, ardıcıl nömrələnərək göstərilməlidir.
-
Generativ süni intellekt və süni intellektlə dəstəklənən alətlərdən istifadə: müəlliflər yazı prosesində generativ süni intellektdən və ya süni intellektlə dəstəklənən alətlərdən istifadə etdiklərini açıqlamalıdırlar. Bu məlumat “Metodlar” və ya “Təşəkkürlər” bölməsinə daxil edilməlidir. Süni intellekt alətləri müəllif kimi göstərilə bilməz.
-
Məqalələrin həcmi 10-12 standart səhifədən artıq olmamalıdır. Mətni WORD proqramında, 1,15 intervalda, Times New Roman-12 ölçülü şriftlə yazılmalıdır.
-
Məqalələr üç dildə - azərbaycan, ingilis və rus dillərində çap oluna bilər.
-
Məqalənin sonunda (ədəbiyyat siyahısından sonra) yazıldığı dildən əlavə, digər iki dildə xülasə və açar sözlər verilməli, xülasələrdə, həmçinin mövzu, müəllif(lər)in adı, ata adı, soyadı, elmi dərəcəsi və elmi adı, işlədiyi təşkilatın adı, vəzifəsi, elektron poçt ünvanı və telefon nömrələri göstərilməli, məqalə müəllif(lər) tərəfindən imzalanmalıdır.
-
Jurnala məqalə baş redaktorun adına məktubla, məqalənin profili üzrə elmi dərəcəli mütəxəssisin rəyi ilə, ayrıca faylda çap olunmuş variantda və elektron formada təqdim edilməlidir. Məqalə jurnalın ekspertləri tərəfindən verilən müsbət rəydən sonra çap oluna bilər.
-
Jurnalın bir nömrəsində müəllif(lər)in iki məqaləsi dərc oluna bilməz.
-
Bu tələblərə cavab verməyən məqalələr dərc edilmir və nəşr edilmiş məqalələrin əlyazmaları geri qaytarılmır.
Qeyd: Bu şərtlər müəyyənləşdirilərkən Azərbaycan Respublikası Prezidenti yanında Ali Attestasiya Komissiyasının dissertasiyaların əsas elmi nəticələrinin dərc olunması tövsiyə edilən elmi nəşrlərə qoyduğu tələblər və beynəlxalq standartlar nəzərə alınmışdır.
