Necə kömək edə bilərik?

Məqalə, müəllif və s.

Redaksiya siyasəti

Açıq giriş siyasəti

Jurnalın məqalələri “Kənd təsərrüfatının iqtisadiyyatı”nın açıq istifadəsindədir və Aqrar Tədqiqatlar Mərkəzi ilə Müqavilənin şərtlərinə uyğun olaraq yayılır.
Jurnal tədqiqatların sərbəst yayılmasının qlobal səviyyədə daha geniş bilik mübadiləsinə imkan yaratması prinsipindən çıxış etməklə öz kontentinə birbaşa açıq çıxışı təmin edir.
Jurnalın məqalələri onlayn əlyetərlidir və yukləmə üçün açıqdır. Jurnalda dərc olunan məqalələr jurnalın saytında arxivləşdirilərək saxlanılır.

Zəruri qeyd: Jurnalda dərc olunan materiallardan istifadə olunduqda jurnala istinad etmək vacibdir.

Redaksiya etikası

Ümumi məlumat

“Kənd təsərrüfatının iqtisadiyyatı” jurnalı (bundan sonra – Jurnal) nəşr etikası üzrə beynəlxalq Komitənin (СОРЕ) tövsiyələrində təqdim olunan nəşriyyat etikasının hamı tərəfindən qəbul edilmiş əsas standartlarına riayət edir. 

Məxfilik haqqında bəyannamə

Bu jurnalın saytına yerləşdirilən adlar və elektron poçtlar yalnız bu jurnalda qeyd olunan məqsədlər üçün istifadə olunacaq, digər şəxslərə və qurumlara təqdim edilməyəcək və ya digər hər-hansı məqsəd üçün istifadə olunmayacaq.

Jurnalın müəllifləri məqaləni təqdim edərkən oferta müqaviləsi imzalamalıdırlar (aksept etməlidirlər). Müqavilənin detalları haqqında ətraflı məlumat almaq üçün “Məqaləyə tələblər” bölməsinə baxın.

Müqavilə

Aqrar Tədqiqatlar Mərkəzi tərəfindən “Kənd Təsərrüfatının İqtisadiyyatı” elmi-praktiki jurnalı ilə nəşr xidmətinin göstərilməsinə dair açıq oferta (müqavilə)

Bu təklif Azərbaycan Respublikası Mülki Məcəlləsinin 408-ci maddəsinə uyğun olaraq açıq ofertadır, nəşr olunmaq üçün məqalə təqdim edən müəllif (Sifarişçi) tərəfindən məqalənin “Kənd Təsərrüfatının İqtisadiyyatı” elmi-praktiki jurnalın (bundan sonra Jurnal) internet saytına göndərilməsi Azərbaycan Respublikası Mülki Məcəlləyə uyğun olaraq onun tam qəbulu (aksepti ) hesab olunur.
Azərbaycan Respublikası Mülki Məcəlləsinə  uyğun olaraq müəllif aksept anından bu oferta ilə tanış olmuş və onunla razılaşmış hesab edilir və Jurnalla müqavilə münasibətlərinə girir.

 

  • Oferta predmeti
    • Müəllif məqaləni dərc edilməsi (yerləşdirilməsi) üçün Jurnalın saytında göstərilən tələblər gözlənilməklə Jurnalın Redaksiyasına göndərir.
    • Jurnal məqalənin nəşri ilə bağlı müəllifə aşağıdakı xidmətləri göstərir:
      - məqaləni qəbul edir;
      - məqalənin dərc olunması barədə qərar qəbul edir;
      - məqaləni Jurnalda yerləşdirir;
      - Jurnalın müəllif nüsxəsini təqdim edir.
  • Hüquq və öhdəliklər
    • Müəllif Jurnalın Redaksiyasına göstərilən xidmətlərin keyfiyyəti barədə məqalənin nəşrindən 40 gün müddətində irad ünvanlaya bilər.
    • Jurnalın Redaksiyası məqalənin dərc olunduğu nömrənin bir nüsxəsini 14 gün ərzində müəllifə göndərməlidir.
    • Jurnalın Redaksiyası aşağıdakı hüquqlara malikdir:
    • Məqalənin prinsipial müddəalarını dəyişdirmədən texniki redaktənin həyata keçirilməsi;
    • Məqaləyə rəy verilməsi və müəllifə zəruri dəyişikliklər aparılmasının təklif edilməsi;
    • Məqalə Jurnalın profilinə uyğun gəlmədikdə və ya elmi yeniliyə, nəzəri və praktiki əhəmiyyətə malik olmadıqda, habelə məqalənin tərtibi zəruri tələblərə cavab vermədikdə, eləcə də müəllif tərəfindən bu ofertanın tələbləri pozulduqda onun nəşrindən imtina edilməsi;
    • Jurnalın tirajının müstəqil surətdə müəyyən edilməsi;
    • Jurnalda nəşr olunan məqalələrin internetdə yerləşdirilməsi.
  • Ödəniş
    • Məqalənin dərci üçün müəllif tərəfindən ödəniş nəzərdə tutulmur.
  • Digər şərtlər
    • Bu ofertanın şərtləri Jurnal tərəfindən birtərəfli qaydada dəyişdirilə bilər. Yeni şərtlər dəyişikliyin həyata keçirilməsinədək aksept edilmiş ofertalara şamil edilmir.
    • Məqalənin müəllifi məqalənin dərcinin digər şəxslərin müəlliflik hüquqlarını pozmadığı barədə Jurnalın Redaksiyasına təminat verir.
    • Jurnalın redaksiyası nəşr olunmuş məqaləyə münasibətdə intellektual mülkiyyət sahəsində müəllifin hüququnun qorunmasını həyata keçirmədiyi barədə xəbərdarlıq edir.
SON MƏQALƏLƏR
ISO standartlarının yaşıl transformasiyada rolu

ISO standartlarının yaşıl transformasiyada rolu

17 Fevral 2025 ­ 4964 Q. Şərifov • UOT: 332.02, 504.05, 504.06

Qlobal istiləşmə və onun təsirləri artdıqca bir sıra beynəlxalq qurumlar, o cümlədən Beynəlxalq Standartlaşdırma Təşkilatı (ISO) tərəfindən bu təsirləri minimum səviyyəyə endirmək üçün bir sıra standart, spesifikasiya və rəhbəredici göstərişlər işlənib hazırlanmışdır. Bu ...

Aerokosmik verilənlər əsasında torpaq xəritələrinin tərtibi

Aerokosmik verilənlər əsasında torpaq xəritələrinin tərtibi

03 Mart 2022 ­ 28529 A. Ağbabalı • UOT: 912.412, 912.43:338.43

Araşdırma “Ənənəvi” və “Aerokosmik verilənlər” əsasında torpaq xəritələrinin tərtibinin əsas xüsusiyyətlərinə həsr olunmuşdur. Ənənəvi metodlarla təqdim olunan torpaq xəritələri qızıl fond kimi qiymətləndirilməlidir. Ancaq bu materiallar zaman baxımından çox ...

Kənd yerlərinin dayanıqlı inkişafı və yaşayış səviyyəsinin yaxşılaşdırılması

Kənd yerlərinin dayanıqlı inkişafı və yaşayış səviyyəsinin yaxşılaşdırılması

02 Mart 2022 ­ 27217 E. Ələkbərov • UOT: 332.338.49:911.37

Məqalədə kənd yerlərinin dayanıqlı inkişafının təmin edilməsi və kənd əhalisinin yaşayış səviyyəsinin yaxşılaşdırılması təhlil olunmuşdur. Kənd yerlərinin dayanıqlı inkişafı üçün əsas amillər müəyyən edilmiş və kəndin inkişaf planının hazırlanması tövsiyə ...

Şəki-Zaqatala bölgəsinin suvarma şəraitində 2018-2019-cu illər üzrə tütün bitkisinin məhsuldarlıq göstəriciləri

Şəki-Zaqatala bölgəsinin suvarma şəraitində 2018-2019-cu illər üzrə tütün bitkisinin məhsuldarlıq göstəriciləri

03 Mart 2022 ­ 26389 Q. Kazımov • UOT: 631.58; 631.582

Məqalədə Şəki-Zaqatala bölgəsinin suvarma şəraitində “Virciniya” tipli “Kokker 347” tütün sortunun məhsuldarlığına becərmə üsullarının təsiri öyrənilmişdir. 2018-2019-cu illər üzrə tədqiqatdan alınmış rəqəmlər müqayisəli şəkildə təhlil ...