Açıq giriş siyasəti
Müəllif hüquqları və lisenziyalaşdırma
"Kənd təsərrüfatının iqtisadiyyatı" jurnalında dərc olunan bütün məqalələr hər kəs üçün açıqdır və Creative Commons Attribution-NonCommercial-NoDerivatives 4.0 (CC BY-NC-ND 4.0) Beynəlxalq lisenziyası altında yayılır.
Bu, digər istifadəçilərə kommersiya məqsədləri üçün istifadə etməmələri və ya törəmə əsərlər yaratmamaları şərti ilə jurnala istinad etməklə, müəllif(lər)i göstərməklə məqalələri yükləməyə və yaymağa imkan verir.
Lisenziya linki: https://creativecommons.org/licenses/by-nc-nd/4.0/
Jurnalın məqalələri onlayn əlyetərlidir və yukləmə üçün açıqdır. Jurnalda dərc olunan məqalələr jurnalın saytında arxivləşdirilərək saxlanılır.
Redaksiya etikası
Ümumi məlumat
“Kənd təsərrüfatının iqtisadiyyatı” jurnalı (bundan sonra – Jurnal) nəşr etikası üzrə beynəlxalq Komitənin (СОРЕ) tövsiyələrində təqdim olunan nəşriyyat etikasının hamı tərəfindən qəbul edilmiş əsas standartlarına riayət edir.
Məxfilik haqqında bəyannamə
Bu jurnalın saytına yerləşdirilən adlar və elektron poçtlar yalnız bu jurnalda qeyd olunan məqsədlər üçün istifadə olunacaq, digər şəxslərə və qurumlara təqdim edilməyəcək və ya digər hər-hansı məqsəd üçün istifadə olunmayacaq.
Jurnalın müəllifləri məqaləni təqdim edərkən oferta müqaviləsi imzalamalıdırlar (aksept etməlidirlər). Müqavilənin detalları haqqında ətraflı məlumat almaq üçün “Məqaləyə tələblər” bölməsinə baxın.
ORCİD tələbi:
Bütün müəlliflərdən ORCİD İD tələb olunur.
Generativ süni intellekt və süni intellektlə dəstəklənən alətlərdən istifadə:
Müəlliflər yazı prosesində generativ süni intellektdən və ya süni intellektlə dəstəklənən alətlərdən istifadə etdiklərini açıqlamalıdırlar. Bu məlumat “Metodlar” və ya “Təşəkkürlər” bölməsinə daxil edilməlidir. Süni intellekt alətləri müəllif kimi göstərilə bilməz.
Müqavilə
Aqrar Tədqiqatlar Mərkəzi tərəfindən “Kənd Təsərrüfatının İqtisadiyyatı” elmi-praktiki jurnalı ilə nəşr xidmətinin göstərilməsinə dair açıq oferta (müqavilə)
Bu təklif Azərbaycan Respublikası Mülki Məcəlləsinin 408-ci maddəsinə uyğun olaraq açıq ofertadır, nəşr olunmaq üçün məqalə təqdim edən müəllif (Sifarişçi) tərəfindən məqalənin “Kənd Təsərrüfatının İqtisadiyyatı” elmi-praktiki jurnalın (bundan sonra Jurnal) internet saytına göndərilməsi Azərbaycan Respublikası Mülki Məcəlləyə uyğun olaraq onun tam qəbulu (aksepti ) hesab olunur.
Azərbaycan Respublikası Mülki Məcəlləsinə uyğun olaraq müəllif aksept anından bu oferta ilə tanış olmuş və onunla razılaşmış hesab edilir və Jurnalla müqavilə münasibətlərinə girir.
- Oferta predmeti
- Müəllif məqaləni dərc edilməsi (yerləşdirilməsi) üçün Jurnalın saytında göstərilən tələblər gözlənilməklə Jurnalın Redaksiyasına göndərir.
- Jurnal məqalənin nəşri ilə bağlı müəllifə aşağıdakı xidmətləri göstərir:
- məqaləni qəbul edir;
- məqalənin dərc olunması barədə qərar qəbul edir;
- məqaləni Jurnalda yerləşdirir;
- Jurnalın müəllif nüsxəsini təqdim edir.
- Hüquq və öhdəliklər
- Müəllif Jurnalın Redaksiyasına göstərilən xidmətlərin keyfiyyəti barədə məqalənin nəşrindən 40 gün müddətində irad ünvanlaya bilər.
- Jurnalın Redaksiyası məqalənin dərc olunduğu nömrənin bir nüsxəsini 14 gün ərzində müəllifə göndərməlidir.
- Jurnalın Redaksiyası aşağıdakı hüquqlara malikdir:
- Məqalənin prinsipial müddəalarını dəyişdirmədən texniki redaktənin həyata keçirilməsi;
- Məqaləyə rəy verilməsi və müəllifə zəruri dəyişikliklər aparılmasının təklif edilməsi;
- Məqalə Jurnalın profilinə uyğun gəlmədikdə və ya elmi yeniliyə, nəzəri və praktiki əhəmiyyətə malik olmadıqda, habelə məqalənin tərtibi zəruri tələblərə cavab vermədikdə, eləcə də müəllif tərəfindən bu ofertanın tələbləri pozulduqda onun nəşrindən imtina edilməsi;
- Jurnalın tirajının müstəqil surətdə müəyyən edilməsi;
- Jurnalda nəşr olunan məqalələrin internetdə yerləşdirilməsi.
- Ödəniş
- Məqalənin dərci üçün müəllif tərəfindən ödəniş nəzərdə tutulmur.
- Digər şərtlər
- Bu ofertanın şərtləri Jurnal tərəfindən birtərəfli qaydada dəyişdirilə bilər. Yeni şərtlər dəyişikliyin həyata keçirilməsinədək aksept edilmiş ofertalara şamil edilmir.
- Məqalənin müəllifi məqalənin dərcinin digər şəxslərin müəlliflik hüquqlarını pozmadığı barədə Jurnalın Redaksiyasına təminat verir.
- Jurnalın redaksiyası nəşr olunmuş məqaləyə münasibətdə intellektual mülkiyyət sahəsində müəllifin hüququnun qorunmasını həyata keçirmədiyi barədə xəbərdarlıq edir.
