Necə kömək edə bilərik?

Məqalə, müəllif və s.

Məqalə qəbulu

Məqalə göndərmək

Məqalənin təqdim olunması qaydası

Məqalələr yazılı kağız variantında və ya elektron formada jurnalın e-mail ünvanına göndərilə bilər.

Müşayiətedici məktubda müəlliflərdən jurnala təqdim olunan məqalələrin başqa yerə təqdim olunmadığını, dərc üçün qəbul edilmədiyini, başqa yerdə (istər bütövlükdə, istərsə də əhəmiyyətli hissədə) dərc olunmadığını təsdiqləmək tələb olunur. Eyni zamanda, məqalə orijinal olmalıdır və bütün müəlliflər əlyazmanın təqdim olunmuş variantını oxuduqlarını təsdiq etməlidirlər.

Zəruri qeyd: Dərc olunan materiallardakı faktlara və rəqəmlərə görə müəllif məsuliyyət daşıyır.

Məqaləyə tələblər

Müəlliflərin nəzərinə!

Aqrar Tədqiqatlar Mərkəzinin “Kənd Təsərrüfatının İqtisadiyyatı” elmi-praktiki jurnalında dərc edilmək üçün məqalə təqdim olunarkən qoyulan tələblər:

  1. Təqdim olunan məqalələrin strukturu ümumi qəbul olunmuş standartlara və Azərbaycan Respublikası Prezidenti yanında Ali Attestasiya Komissiyasının müəyyən etdiyi tələblərə uyğun olmalıdır.
  2. Məqalədə başlıq (UOT kodu, 10-12 sözdən çox olmamaqla məqalənin adı, müəllif(lər)in adı, ata adı, soyadı, elmi dərəcəsi və elmi adı, işlədiyi təşkilatın adı, vəzifəsi, elektron poçt ünvanı və telefon nömrələri ardıcıllıqla göstərilir), xülasə (150-200 sözdən ibarət), giriş (tədqiq olunan mövzunun aktuallığı, öyrənilmə səviyyəsi, tədqiqatın hipotezası, araşdırmanın məqsədi göstərilir), tədqiqatın metodları, problemin təhlili, nəticə (araşdırma nəticəsində hazırlanmış təkliflər də verilməklə) bölmələri, həmçinin mətndə istinadlar göstərilməklə istifadə olunmuş ədəbiyyat siyahısı verilməlidir. Ədəbiyyatlar çap olunduqları dillərdə əlifba sırası ilə, ardıcıl nömrələnərək göstərilməlidir.
  3. Məqalələrin həcmi 10-12 standart səhifədən artıq olmamalıdır. Mətni WORD proqramında, 1,15 intervalda, Times New Roman-12 ölçülü şriftlə yazılmalıdır.
  4. Məqalələr üç dildə - azərbaycan, ingilis və rus dillərində çap oluna bilər.
  5. Məqalənin sonunda (ədəbiyyat siyahısından sonra) yazıldığı dildən əlavə, digər iki dildə xülasə və açar sözlər verilməli, xülasələrdə, həmçinin mövzu, müəllif(lər)in adı, ata adı, soyadı, elmi dərəcəsi və elmi adı, işlədiyi təşkilatın adı, vəzifəsi, elektron poçt ünvanı və telefon nömrələri göstərilməli, məqalə müəllif(lər) tərəfindən imzalanmalıdır.
  6. Jurnala məqalə baş redaktorun adına məktubla, məqalənin profili üzrə elmi dərəcəli mütəxəssisin rəyi ilə, ayrıca faylda çap olunmuş variantda və elektron formada təqdim edilməlidir. Məqalə jurnalın ekspertləri tərəfindən verilən müsbət rəydən sonra çap oluna bilər.
  7. Jurnalın bir nömrəsində müəllif(lər)in iki məqaləsi dərc oluna bilməz.
  8. Bu tələblərə cavab verməyən məqalələr dərc edilmir və nəşr edilmiş məqalələrin əlyazmaları geri qaytarılmır.

Qeyd: Bu şərtlər müəyyənləşdirilərkən Azərbaycan Respublikası Prezidenti yanında Ali Attestasiya Komissiyasının dissertasiyaların əsas elmi nəticələrinin dərc olunması tövsiyə edilən elmi nəşrlərə qoyduğu tələblər nəzərə alınmışdır.

Məqalə qəbulu

Məqalələrə baxılması qaydası

“Kənd təsərrüfatının iqtisadiyyatı” jurnalında dərc olunmaq üçün daxil olmuş bütün məqalələr əlyazmanın redaksiyaya daxil olduğu tarix göstərilməklə jurnalın məsul redaktoru tərəfindən qeydiyyata alınır.

Məqalənin dərc olunması (nömrə göstərilməklə) və ya dərc olunmasından imtina edilməsi, əlyazmanın yenidən işlənməsi üçün müəllifə qaytarılması barədə qərar baş redaktor tərəfindən qəbul edilir və əlyazmanın jurnalın redaksiyasına daxil olduğu tarixdən 45 gündən gec olmayaraq müəllifə bildirilməlidir.

Jurnalda dərc olunmaq üçün daxil olmuş məqalələr ikipilləli keyfiyyət nəzarətindən keçir:

formal nəzarət (jurnalın profilinə uyğunluq, antiplagiat yoxlama, formal tələblərə uyğunluq, tələb olunan həcm, məqalənin struktur tərtibatı və s.) - jurnalın məsul katibi həyata keçirir;

əsas nəzarət - rəyçilər tərəfindən aparılır. Hər məqalənin əlyazmasına iki rəy alınır. Bu iki rəydə məqalənin nəşrə qəbulu barədə fərqli fikirlər olduqda məqalə üçüncü şəxsə rəyə verilə bilər. Məqalənin yenidən işlənməsini nəzərdə tutan rəylər müəllifə göndərilir və o, məqalənin rəyçinin iradlarına cavab verən yenilənmiş variantını müəllif arayışı ilə birlikdə redaksiyaya təqdim edir.

Təqdim olunan material ilkin yoxlamanın nəticələrinə əsasən rədd edildikdə müəllifə yazılı bildiriş (elektron poçt vasitəsilə) göndərilir.

Resenziyalaşdırma

Məqaləyə rəy verilməsi maraqların toqquşması halı (müəllifin və resenzentin xidməti tabeçiliyi, elmi rəhbərlik və ya həmmüəlliflik və s.) olmamaqla, ixtisaslı mütəxəssislər, o cümlədən jurnalın Redaksiya Heyətinin üzvləri tərəfindən həyata keçirilə bilər.

SON MƏQALƏLƏR
Azərbaycan Respublikasında ərzaq və kənd təsərrüfatı siyasətinin MAFAP metodologiyasi ilə
monitorinqi və qiymətləndirilməsi

Azərbaycan Respublikasında ərzaq və kənd təsərrüfatı siyasətinin MAFAP metodologiyasi ilə monitorinqi və qiymətləndirilməsi

01 İyul 2021 ­ 22110 P. Əliyev • UOT: 338.23, 338.43

Xülasə Məqalə BMT-nin Ərzaq və Kənd Təsərrüfatı Təşkilatı (FAO) tərəfindən işlənib hazırlanmış MAFAP (The Monitoring and Analysing Food and Agricultural Policies) metodologiyasının əsas indikatoru olan Nominal Mühafizə Əmsalının (Nominal Rate of Protection, NRP) hesablanmasını və ...

Qlobal iqlim dəyişkənliklərinin təsirindən asılı olaraq Şəmkir dayaq məntəqəsində kartof sortlarının illər üzrə məhsuldarlığı

Qlobal iqlim dəyişkənliklərinin təsirindən asılı olaraq Şəmkir dayaq məntəqəsində kartof sortlarının illər üzrə məhsuldarlığı

05 Mart 2022 ­ 15110 İ. Həsənov, M. Nəsibova, H. Nəsibov • UOT: 631.21.51. 659. 632.11

Müsabiqəli sınaq pitomnikində 5 il ərzində ən məhsuldar nümunələr orta hesabla 601 (mürəkkəb hibrid) – 142,0 sent/ha, 600 – 139,42 sent/ha, Zanra sortunun klonu 131,7 sent/ha, Tatyanka sortunun klonu - 128,67 sent/ha olmuşdur. 

Aqrar sahədə qi̇ymət pari̇tetli̇yi̇ni̇n i̇stehsalçilarin gəli̇ləri̇nə təsi̇ri̇

Aqrar sahədə qi̇ymət pari̇tetli̇yi̇ni̇n i̇stehsalçilarin gəli̇ləri̇nə təsi̇ri̇

13 İyul 2018 ­ 21764 S. Hacıyeva • UOT: 63. 336. 33.

Xülasə Kənd təsərrüfatına dövlət dəstəyinin verilməsi, o cümlədən bu sahənin subsidiyalaşdırılması praktikası hazırda qlobal kənd təsərrüfatı sisteminin həlledici elementinə çevrilib. Bu məqalədə kənd təsərrüfatına dövlət dəstəyi ...

Aqrar sahənin dayanıqlı inkişafında sığorta mexanizminin rolu

Aqrar sahənin dayanıqlı inkişafında sığorta mexanizminin rolu

23 Fevral 2022 ­ 15786 Ç. Abışova • UOT: 33. 336.2: 338.4

Aqrar sahənin hərtərəfli inkişafı ölkədə ərzaq təhlükəsizliyinin etibarlılığının artırılmasının, iqtisadiyyatın şaxələndirilməsinin, onun ixrac imkanlarının genişlənməsinin əsas istiqamətlərindən biri kimi mühüm əhəmiyyət kəsb edir. Azərbaycan Respublikasında aqrar sahənin ...